منتدي سليم عبد الباسط سليم

منتدي سليم عبد الباسط سليم


 
الرئيسيةالبوابةاليوميةمكتبة الصورس .و .جالأعضاءالمجموعاتالتسجيلدخول
Cool Hot Pink
    Pointer

شاطر | 
 

 حــــــكــــــايــــــتــــــى مــــــع الــــــزمــــــــــــان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
EL3asheq ELmagro7

avatar

عدد المساهمات : 22
نقاط : 56
تاريخ التسجيل : 04/06/2010
العمر : 23

مُساهمةموضوع: حــــــكــــــايــــــتــــــى مــــــع الــــــزمــــــــــــان   الثلاثاء يونيو 29, 2010 1:21 pm





يسعد صباحك يا عم زمان

جيت أحكيلك حدوته

والحدوته مش كان ياما كان

ولا هى كبيره ولا زغنتوته

دى الحدوته لواد غلبان

تلميذ م الدنيا بيتعلم

عايش ف حياته بيتألم

والدمعه ف عينه بتتكلم

وتشوفه تقول عايش فرحان

بالضحكه بيكتم أحزانه

وبيعشق عقله وجنانه

يمكن ده مش هو زمانه...؟

أو فارس مش لاقى حصان...!!؟

عاش الواد من صغره عجوز

بأصحابه دايماً محظوظ

خايف يفارقهم مهزوز

ما هو شاف البعد ف كل مكان

يعرف دول ويصاحب دول

ويساعدك من غير ما تقول

وبيدخل قلبك على طول

ويحب يكون دايماً إنسان

كبر الواد ف العمر شويه

قال يعشق ويحب صبيه

قاله الحب لا ليك ولا ليّه

صرخ الواد أرجوك يا زمان

هو أنا للهم يا ناس مخلوق

ولا طايل عاشق ولا معشوق

سيبنى أحب يومين بالذوق

هى كمان فيها إستئذان

قاله بلاش يا عجوز يا صغير

ده بحبك هاتعيش متحير

والكون حواليك راح يتغير

وتبات تعبان وتقوم قلقان

راح الواد لكلامه مطنش

وحَب الواد والحب ما تمش

قلب حبيبه بيه ما اهتمش

وفضل الجرح شهور ما اتلمش

وعاش الواد مشغول حيران

لسؤاله مش لاقى جواب

معقوله حبيبى يكون كداب..؟

وحلم العمر كأنه سراب..!!؟

إسكت بقى وكفايه عتاب

هو ده أصلاً كان إنسان..!!؟؟

صرخ الواد
إسكت يا زماااااااااااااان

قاله خلاص بكفابه جنان

وعايز أقولك حاجه كمان

قلب الحب ضعيف وجبان

إسمع كلام العم زمان

واحمد ربك ع النسيان

واوعاك ترجع يوم لزمان

لا تعيش مسكين مليان أحزان

وانسى الحب كأنه ما كان

ورجع الواد مبسوط فرحان

خِسِر الحب وكان كسبان

ما هو كل شئ يا زمان بأوان

تسمحلى أقولك يا عم زمان

أوعاك تقلق على إنسان

بيدعى ربه بكل إيمان

برضاك ربى أنا فرحان

وواثق إنى معاك كسبان

وراح ترزقنى بالإنسان

اللى بحبه هاعيش ف أمان

وقبل الواد ما يروح ويسلم

قالها وبالفم المليان

تلميذك يا زمان اتعلم

ولا يمكن تانى هايتألم

وبعلو الصوت راح يتكلم

رافض إنه ف لحظه يسلم

وما بين الفرح والأحزان

هايعيش إنسان ويموت إنسان

مــــــنــــــقــــــولــ

الــــــــعــــــــاشــــــــق الــــــــمــــــــجــــــــروح



الرجوع الى أعلى الصفحة اذهب الى الأسفل
سليم عبد الباسط سليم
مـديـر الـمـنـتـدي
avatar

عدد المساهمات : 473
نقاط : 1073
تاريخ التسجيل : 09/04/2010
العمر : 36
الموقع : http://saleem.akbarmontada.com

مُساهمةموضوع: رد: حــــــكــــــايــــــتــــــى مــــــع الــــــزمــــــــــــان   الثلاثاء يونيو 29, 2010 8:35 pm

شكرا عزيزي عاشق المجروح
علي الموضوع وعلي مجهودك الكبير الرائع
وشكر خاص لتواجدك وإطلالتك البهية
لك مني كل الشكر والتقدير

================
مـــديـــر الـمـنـتــــدي

أمـيــــر الـكـلـمـــــات
الرجوع الى أعلى الصفحة اذهب الى الأسفل
http://saleem.akbarmontada.com
 
حــــــكــــــايــــــتــــــى مــــــع الــــــزمــــــــــــان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي سليم عبد الباسط سليم :: قـســـم الـشـعــــر والأدب :: كـلـمــــات وأشـعـــار-
انتقل الى: