منتدي سليم عبد الباسط سليم

منتدي سليم عبد الباسط سليم


 
الرئيسيةالبوابةاليوميةمكتبة الصورس .و .جالأعضاءالمجموعاتالتسجيلدخول
Cool Hot Pink
    Pointer

شاطر | 
 

 حـــريـة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليم عبد الباسط سليم
مـديـر الـمـنـتـدي
avatar

عدد المساهمات : 473
نقاط : 1073
تاريخ التسجيل : 09/04/2010
العمر : 35
الموقع : http://saleem.akbarmontada.com

مُساهمةموضوع: حـــريـة   الثلاثاء فبراير 15, 2011 9:15 pm




حـــريـة


اتعلمت خلاص يعني إيه حرية


عرفت اكتبها كلمة وانطقها وأقول هي


بعد ما كنت إنسان غلبان وجبان وكمان


مش عارف إيه معني الحرية


بس خلاص بقيت أتنفس حرية


واتكلم بحرية واكل واشرب حرية


معدتش خايف زي زمان من ده ولا ده ولا دية


كنت واحد زي غيري راكبين مركب علي وش المية


والمركب مره تهدي ومره تعدي واهي معدية


والريس ؟ ريس المركب قصدي يعني .. مهمهوش


مين يغرق من يعوم واللي يغور ملهوش عنده دية


ونسي إن المركب لو غرقت هو أول ضحية


بس المركب عدت بأمان ووصلت الشط التاني


ووقفت هناك وهي قوية


وريسها مبقاش هو القائد وركاب المركب بقيو هما رييسنها


ما خلاص الحرية وبقيوا عايشنها والكلمة الحرة راحوا قايلنها


هي دي حكاية المركب اللي قلتها من شوية


أما بقي حكاية الغابة اللي كان فيها كلاب وديابة


وفيها أسد كبير والكل منه خايف


الكل مش قادرين مع إن كل واحد منهم شايف


كتير من الناس محتاجين وكتير مش لاقيين وكتير غلابة


و كل واحد افتكر انه وحش ياكل وما يتاكلش


أمّال مش ملوك الغابة


لكن فجأة وبإرادة إله موجود وشعب وقف بصلابة


قدرنا نحمي نفسنا قدرنا نعيش ونحقق حلمنا


وقدرنا نغيـّر نفسنا ونقوّي قلوبنا المتهابة


وحققنا كتير وقتلنا الأسد الكبير وكل الوحوش اللي في الغابة


وحسينا خلاص بالحرية





================
مـــديـــر الـمـنـتــــدي

أمـيــــر الـكـلـمـــــات
الرجوع الى أعلى الصفحة اذهب الى الأسفل
http://saleem.akbarmontada.com
محمود علاء الدين
مــشـــــــــــــــــــــــرف
avatar

عدد المساهمات : 87
نقاط : 174
تاريخ التسجيل : 09/04/2010
العمر : 26
الموقع : http://saleem.akbarmontada.com

مُساهمةموضوع: رد: حـــريـة   الخميس فبراير 17, 2011 5:59 pm

الله ... الله
الله عليك يا استاذنا الكبير
بجد انت مش بتفوتك مناسبة
ودايما متألق ومتجدد ومتلون بكل الألوان
بجد حرية جميله قوي
تسلم ايديك
لك خالص تحياتي
الرجوع الى أعلى الصفحة اذهب الى الأسفل
http://saleem.akbarmontada.com
abomkarem



عدد المساهمات : 165
نقاط : 233
تاريخ التسجيل : 15/04/2010

مُساهمةموضوع: رد: حـــريـة   السبت فبراير 19, 2011 1:21 pm

يعيني علي الفكرة وحلاوتها
الله عليك يا شاعر يا كبير قوي قوي
والله بجد برافوا عليك
تسلم من كل قلبي بقولك تسلم
الرجوع الى أعلى الصفحة اذهب الى الأسفل
 
حـــريـة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي سليم عبد الباسط سليم :: قـســـم الـشـعــــر والأدب :: كـلـمــــات وأشـعـــار-
انتقل الى: